№34 орта мектептің асханасында бракераж комиссиясы жоспарлы тексеріс жүргізді.

2024 жылғы 9 қыркүйек күні №34 орта мектептің асханасында бракераж комиссиясы жоспарлы тексеріс жүргізді.

Тексеріс барысында дайын тағамдардың сапасына органолептикалық талдау (иісі, дәмі, сыртқы түрі, консистенциясы) жүргізілді. Тағамдардың сапасы санитариялық-эпидемиологиялық талаптарға сәйкес деп танылды. Иісі, дәмі жағымды, сыртқы түрі тағам түріне сай, бөтен қоспалар немесе бұзылу белгілері байқалмады.

Сонымен қатар, асханадағы санитариялық-гигиеналық жағдай, тағам дайындау барысында қауіпсіздік талаптарының сақталуы, тағам таратушы қызметкерлердің жеке тазалығы тексерілді. Барлығы талапқа сай деп бағаланды.

Азық-түлік өнімдерінің жарамдылық мерзімі мен ілеспе құжаттары да тексерілді, сәйкессіздік анықталған жоқ.